24 - திரைவிமர்சனம்

முதலில் நாம் 5 வருடத்திற்கு முன்பு டைம் ட்ராவல் செய்து பார்த்தால் இந்த படம் விக்ரம் நடிப்பதாக இருந்தது . ஆனால் பல காரணங்களால் சூர்யா நடிக்கின்றார் என்பது 2 வருடத்திற்கு முன்புதான் தெரிந்தது .மேலும் இத்திரைப்படத்தின் இயக்குனர் விக்ரம் கே குமாரை திரும்பிபார்க்கவைத்த திரைப்படம் ‘யாவரும் நலம்’. இந்த திரைப்படத்திற்கு பிறகு , எப்போது அடுத்த படம் இயக்குவார் என்ற ஆர்வம் அனைவருடத்திலும் முளைவிட்டது . அதுமட்டுமில்லாமல் சூர்யா நடிப்பில்  வெளிவந்த மாற்றான், சிங்கம்-2( நார்மலாகதான் ஓடியது) ,அஞ்சான், மாஸீ என்கிற மாசிலாமணி ,போன்ற படங்கள் தோல்வியே . அதனால் தன் சொந்த 2D நிறுவனத்தின் மூலம் இந்த படத்தை தயாரித்ததால் இப்படம் மிக பெரிய எதிர்பார்ப்பை உண்டாக்கியது . அனைவரும் எதிர்பார்த்த ’24’  இன்று உலகம் முழுவதும் தமிழ் சினிமாவை மாற்றியமைக்க வெளிவந்துள்ளது .

கதையும் அதன் பாதையும்

1990-ல் சேதுராமன் என்ற விஞ்ஞானி, ‘ப்ராஜக்ட் 24’ என்னும் காலத்தை மாற்றியமைத்து டைம் ட்ராவல் செய்யும் ஒரு வாட்ச்சை கண்டுபிடிப்பார், ஆனால் அவருடைய அண்ணன் ஆத்ரியன் அந்த வாட்ச்சை அடையவேண்டுமென்பதற்காக சேதுராமனின் மனைவியை கொன்றுவிட்டு சேதுராமனையும் மற்றும் அவர் குழந்தையையும் கொல்வதற்காக அவரை தேடிசெல்வார் . சேதுராமன் அவருடைய வாட்ச் மற்றும் அவர் குழந்தையை ஒரு கேட்ஜட்டில் வைத்துக்கொன்டு ஒரு ட்ரையினில் ஏறிவிடுகிறார்  மற்றும் அதிலிருக்கும் ஒரு பெண்ணிடம்( சரண்யாமோகன்) குழந்தையை கொடுத்து வளர்க்க சொல்லிவிடுவார் . குழந்தையுடன் சேர்த்து வாட்ச்சிருக்கும் பாக்ஸையையும் கொடுத்துவிட்டு ஆத்ரியனிடம் மாட்டிவிடுகிறார் . சேதுராமனை கொன்றுவிட்டு ஆத்ரியன் குழந்தையை கொல்லநினைக்கும் போது , அந்த குழந்தை இருந்த கேட்ஜட்டில் கௌன்டன் ஓட, அதை பாம்ப் என்று எண்ணி ட்ரெயினிலிருந்த குதித்துவிடுகிறார் . அதனால் கோமாவிற்கு சென்றுவிடுகிறார் ஆத்ரியன் .

26 ஆண்டுகளுக்கு பிறகு ..2016-ல் ,

மணி தன் அம்மா சத்யாவுடன் (சரண்யா மோகன்) மகிழ்ச்சியாக ,வாட்ச் மெக்கானிக்காக வேளை செய்துகொண்டிருக்கின்றார் . டைம்ட்ராவல் செய்யும் வாட்ச் இருக்கும் க பாக்ஸை திறக்க சாவியில்லாமல்,அந்த பாக்ஸ் ஒரு வீணான பொருளாகவே அங்கிருந்தது . மறுபக்கம் கோமாவிலிருந்த ஆத்ரியன் மீண்டுவர, தன் 26 வருட காலத்தையும் அனுபவிக்கவேண்டுமென்பதற்காக , ‘ப்ராஜக்ட் 24’ டாக்குமென்டுகளை வைத்து , அதைபோலே ஒரு புதிய வாட்ச்சை உருவாக்கநினைப்பார் . அப்போது அந்தவீட்டை சுத்தம் செய்யும் போது பாக்ஸை திறக்கும் சாவி , விதியின் காரணமாக மணியை வந்தடைகின்றது ,அதன்பின் வாட்சை ஆக்டிவேட் செய்தவுடன்தான் தெரிகின்றது , அதன்மூலம் டைம் ட்ராவல் மற்றும் டைம் ஃப்ரீஸிங் செய்யலாமென்று அறிகின்றான் மணி .

மற்றொரு புறம் வாட்ச்சை செய்யமுடியாமல் திணறும் நேரத்தில் ,ஒரு ஐடியாவின் மூலம் வாட்ச் மணியிடம் இருக்கின்றது என்பதை  அறிந்த ஆத்ரேயன், மணியை கொன்றுவிட்டு வாட்ச்சை அடைகின்றான்.

………………………………………………    I N T E R V A L   ……………………………..

இதன்பிறகு நடக்கும் பல சுவாரசியமான , வில்லதனமான வியூகங்களையும் , கலர்ஃபுல்லான காதல் சம்பவங்களையும் படத்தை பார்த்து தெரிந்துக்கொள்ளுங்கள்.

எழுத்தும் இயக்கமும்

விக்ரம் கே குமார்  ( அலை , யாவரும் நலம் , இஷ்டம் , மனம் ஆகிய படத்தின் இயக்குனர் )

இயக்குனர் விக்ரம் கே குமார் அவர்கள் இத்திரைப்படத்தை 2009ம் ஆண்டே நடிகர் விக்ரமை வைத்து எடுப்பதாக இருந்தது. படத்தின் பூஜையன்று , விக்ரம் இப்படத்தின் திரைக்கதையை  மாற்றியமைக்கவேண்டுமென்று கூற, அவருடன் தயாரிப்பாளரும் சேர்ந்துகொள்ள படம் பூஜையுடனே ட்ராபானது .எப்பவும் போல் விக்ரம் இந்த மெகா ஹிட் படத்தை கோட்டைவிட்டுவிட்டார் .

அதன்பிறகு தெலுங்கில் பிஸியாகிவிட்டார் இயக்குனர் . அங்கிருந்தவாரே 3 வருடங்கள் படத்தின் திரைக்கதையில் பல டெக்னாலஜி மற்றும் கேரக்டரைஷேசன் மாற்றங்களை கொண்டுவந்தார் . இறுதியில் 2014 ம் ஆண்டு சூர்யா தன் சொந்த தயாரிப்பிளே படத்தில் நடிக்க சம்மதம் தெரிவித்தார் .

அதன் பிறகு ஹாலிவுட் தரத்தில் உருவாக்கவேண்டுமென்று பல இடங்களில் படத்தின் ஷூட்டிங் நடத்தபட்டது . படத்தில் 60% VFX பணிகள் இடம்பெற்றதால் பெரும்பாலும் ஹாலிவுட் கலைஞர்களே பயன்படுத்தபட்டனர் .

‘24’ என்று படத்தின் டைட்டில் போட்டதுதான் நியாபகமிருந்தது அதற்குள் INTERMISSION போட்டுவிட்டனர் . அதன்பிறகு ஆரமித்ததும் தெரியவில்லை முடிந்ததும் தெரியவில்லை . ஆனால் படத்தின் ரன்னிங் டைம் 160 நிமிடங்கள் .  இப்படத்தில் டைம் ட்ராவல் , மற்றம் ஆத்ரியா கேரக்டர் உருவாக்கிய விதம் மிக மிக மிக அருமை .

அதும் மணி கேரக்டர் , ஃப்ரீஸிங் டைம் ஆன் செய்ததும்  , நிச்சயம் நீங்கள் அனைவரும் ஃப்ரீஸ் ஆவிர்கள் . படத்தின் இரண்டாம்பகுதி , நாமொன்று நினைப்போம் ,ஆனால் விக்ரம் குமார் ஒன்று காட்டுவார் . நிச்சயம் ‘அடேங்கப்பா’ என்று வாய் பிழப்பிர்கள் .

படத்தின் ஒரே பிழை , காதல் . தமிழ் சினிமாவில் புது கதைகள் சொல்லவருபவர்கள் செய்யும் தவறை இவர் சிறிது தான் செய்துள்ளார் . ஆனால் படம் செல்லும் வேகத்திற்கு காதல் காட்சிகள் சிறிது ‘ஸ்பீட் ப்ரேக்கரே’  , மற்றும் பெரிய பிழை சூர்யா 15 தடவை பேசும்வசனம் ‘ BASICALY AM A WATCH MECHANIC, எனக்கு இதெலாம் சர்வ சாதாரணம்’ . இந்த வசனம் மக்களிடையே ரீச் ஆகும் என்று நினைத்து விக்ரம் குமார் வைத்திருந்தால் , அது அவரின் பிழையே .

நடிகர் நடிகைகள்

சூர்யா

சேதுராமன் , மணி , ஆத்ரேயன் ஆகிய மூன்று கேரக்டரில் நான்கு கெட்டப்பில் , ஒவ்வொரு ஃப்ரேமிலும் வருகிறார் சூர்யா . மொத்ததில் இது சூர்யா படமே மற்றும் சொந்த படம் என்பதால் ரொம்பவே கஷ்டப்பட்டுள்ளார் . ஆத்ரேயன் கேரக்டர் , வில்லனாக நடிக்க மூயற்ச்சி செய்துள்ளார்  நன்றாகவும் வந்திருக்கின்றது . மொத்ததில் இந்த படம் சூர்யாவின் திரைபயணத்தில் வித்தியாசமான மற்றும் வசூல் சாதனை செய்யபோகும் படம்

சமந்தா

ப்ப்ப்ப்பா..என்னா அழகு , இதுவரை சமந்தாவை இவ்வளவு அழகாக எந்தவொரு படத்திலும் நான் கண்டதில்லை . இன்னும் சமந்தா கண்ணுக்குள்ளே நிற்கின்றார். ஆனால் எப்பவும் போல் இவரையும் காதலிற்காகவும் , இரண்டு பாடலுக்காகவும் மட்டுமே இயக்குனர் பயன்படுத்தியுள்ளார் .

அதுமட்டுமில்லாமல் , நித்யா மேனனுக்கும் படத்தில் வேளையில்லையென்றே கூறவேண்டும்.

அஜய்

ஆத்ரேயனின் நண்பராக படத்தில் கூடவே பயணிக்கிறார் . தன் அனுபவ நடிப்பை , வயதான மற்றும் இளைஞர் கேரக்டர்களை நன்றாக வெளிபடுத்தியுள்ளார்

இசையமைப்பாளர்

ஏ.ஆர்.ரகுமான்

விண்ணைதான்டி வருவாயா ஓ காதல் கண்மணி ஆகிய காதல் படங்களுக்கு இசையமைத்த , இசைப்புயலுக்கு இத்திரைப்படம் சவாலாக அமைந்துள்ளது . காரணம் , ‘காலம் என் காதலியோ ‘ பாடலை கேட்கும் போது தெரியும் , இப்படத்தின் பாடல் மற்றும் BGM வேறொரு பரிணாமத்திலிருக்கவேண்டுமென்று . ஆனால் அதை அசால்ட்டாக செய்துவிட்டார் ரகுமான் . படத்தின் இசை மிகப்பெரிய பலமாக அமைந்துள்ளது .

ஒளிப்பதிவு

திருநாவுக்கரசு

‘ஹே ராம்’ ‘ஆளவந்தான்’ ‘க்ரிஷ்-3’ போன்ற 28 படங்களில் தன் ஒளிப்பதிவின் பலத்தை காட்டியவர் திரு என்கிற திருநாவுக்கரசு . இத்திரைப்படத்திலும் மிக பெரிய தூணாக இருக்கின்றார் . காதல் காட்சியில் கண்சிமிட்டாமல் பார்க்கவைக்கின்றார் , வயதான ஆத்ரியனின் காட்சியில் பயம் கொள்ள வைக்கின்றார் . 'காலம் என் காதலியோ' பாடல் காட்சி புது வித பறிஞாமமே ., மேலும் படத்தை ஹாலிவுட் தரத்திற்கு கொன்டுசெல்கிறது இவரின் ஒளிப்பதிவு, மொத்ததில் இவருக்குஒரு பெரிய சல்யூட்

எடிட்டர் ப்ரவீன் புட்டியும் மிகச்சிறப்பாகவே தன் வேளையை செய்துள்ளார் . ஆனால், I am a watch mechanic வசனத்தை கட் செய்யலாமென்று , இயக்குனருக்கு ஆலோசனை கூறியிருக்கலாம்.

VFX கலையிக்கனர்களின் வேளைகள் மிகமிக பாராட்டவேண்டிய ஒன்று .

ரசி்கனின் பார்வை

‘படம் போனதே தெரியலடா’ ஆனா காதல் பாடல்களும் ( ஏனென்றால் , படம் செல்லும் வேகத்திற்கு இவை தேவைதான, என்று கேட்கவைக்கும்) , இரண்டாம் பகுதியில் வரும் காதல் காட்சிகள் மட்டுமே பொறுமையை சோதித்தன.

என் பார்வை

தமிழ் சினிமாவை பொறுத்தவரை, சயின்ஸ் ஃபிக்ஷன் படங்களுக்கும், புதிய முயற்சிகளுக்கும் ரசிகர்கள் இடம் கொடுக்கின்றனர்( இன்று நேற்று நாளை ,பீட்சா, சூதுகவ்வும்) . ஆனால் பலபடங்கள் தோல்வியடைய காரணம், சரியான திரைக்கதையில்லாததே .இந்த ‘24’ படம் கொடுத்ததற்காக விக்ரம் கே குமாருக்கும் , சூர்யாவிற்கும் மிகப்பெரிய நன்றி . இதில் மிக வேகமான திரைக்கதையும், எதிர்பார்க்காத திருப்பங்களையும் கையாண்டுள்ளார் விக்ரம் கே குமார் மற்றும் காதலிலும் டைம்ட்ராவல் செய்வது புதுவித காதல். மொத்தத்தில் அனைவரும் பார்த்து இத்திரைப்படத்தை பார்த்து ஃப்ரீஸ் ஆவிர்கள் . 

மனிதன் - திரைவிமர்சனம்

ஒரு கல் ஒரு கண்ணாடி படத்தின் வெற்றிக்கு பிறகு உதயநிதி நடித்த எந்த படமும் அவருக்கு எதிர்பார்த்த வெற்றியை கொடுக்கவில்லை. ஏதோ அந்த படமெல்லாம் அவர் நடிக்கவும், நடனம் கற்றுக்கொள்ளவும்  எடுக்கப்பட்டதாகவே தெரிகின்றது. ஆனால் உதயநிதி நடித்தால் நிச்சயம் ஒரு தடவையாவது பார்க்கலாம் என்ற நம்பிக்கை எல்லோரிடமும் இருக்கின்றது . இதுவரை காமெடியன்கள் மற்றும் இசையமைப்பாளர் ஹாரிஷ் ஜெயராஜை மட்டுமே உதயநிதியின் படங்களில் ஆதராவாக இருந்தனர் . முதல்முறையாக இவர்கள் யாருமில்லாமல் சோலோ ‘மனிதன்’ஆக  களமிறங்கியுள்ளார் .

அதுமட்டுமில்லாமல் இப்படத்தின் இயக்குனர் ‘ஐ.அஹமத்’ ‘என்றென்றும் புன்னகை’ என்ற வெற்றிப்படத்திற்கு பின்பு இயக்கியிருக்கும் படம் என்பதாலும் , மேலும் இந்தபடம் ஹிந்தியில் வெற்றிபெற்ற ‘ஜாலி LLB’  படத்தின் ரீமேக் என்பதாலும் , இசையமைப்பாளர் சந்தோஷ்நாராயணன் இசையமைத்த எந்தவொரு படமும் இதுவரை தோல்வியடைந்ததில்லை , சுமாராகாவது இருக்கும் என்பதாலும் ,எதிர்பார்ப்பு அதிகமாகவே இருந்தது . சரி படத்திற்குள் செல்வோம் .

கதையும் அதன் பாதையும்

ஜெயிலுக்குள் செல்லவேண்டுமா? கோர்ட்டில் பெய்ல் கிடைக்காமல் இருக்கவேண்டுமா? லாயர் சக்தியை (உதயநிதி) அணுகுங்கள் , இதுபோன்று பொள்ளாச்சியே கலாய்க்கும் தோல்வி லாயராகவுள்ளார் உதயநிதி . இப்படி இருக்கும் நேரத்தில் அவருடைய மாமா பொண்ணான ஹன்சிகாவை காதலிக்கிறார் . ஹன்சிகாவை பொறுத்தவரை உதயநிதி ,ஒரு கேஸிலாவது வெற்றிபெற்று நல்லபெயரை பெறவேண்டுமென்று நினைக்கின்றார் .உதயநிதியோ அறியாமையான லாயராக இருப்பார். கோர்ட்டில் எப்படி வாதாடவேண்டும்? என்று கூட முழுமையாக தெரியாதவர் . அதனால் ஹன்சிகா அவரை திட்ட, அந்த மனகாயத்தால் , நான் ஒரு நல்ல லாயர் என்ற பெயரை பெறாமல் பொள்ளாச்சிற்கு வரமாட்டேன்,என்று சபதம் செய்துவிட்டு சென்னையிலிருக்கும் அவருடைய மாமா விவேக் வீட்டிற்கு வந்துவிடுகிறார் . மூன்று மாதம் சென்னையில் ஒரு கேஸும் கிடைக்காததால் ஊருக்கு திரும்பிவிடலாமென்று நினைக்கும் நேரத்தில்தான் , வான்ட்டடாக ஒரு கேஷ் வருகின்றது .

சென்னையே உலுக்கிய ஒரு சம்பவம்தான் , “ஒரு பெரிய பணக்கார வீட்டு மகன் குடிபோதையில் கிண்டி ப்ளாட்ஃபாமில் தூங்கிகொண்டியிருந்த 6 பேர் மீது கார் ஏற்றி கொன்றுவிடுகிறார்” . ஆனால் அவருக்கு ஆதரவாக கோர்ட்டில் லாயராக ஆஜராகிறார் பிரகாஷ்ராஜ் . இதுவரை பிரகாஷ்ராஜை எதிர்த்து யாரும் வென்றதில்லை . அதனால் எளிதாக அந்த பணக்கார பையனை வெளியே கொண்டுவருகிறார் ,ஆனால் பிரகாஷ்ராஜ் எதிர்பார்த்த பணம் அவர்களிடமிருந்து கிடைக்காததால், சாமர்த்தியமாக உதயநிதியை அந்த கேஷில் பொதுநல வழக்கறிஞராக ஆஜராகவைக்கின்றார் . அதன்பிறகு பல சூழ்ச்சிகள் செய்கிறார் பிரகாஷ்ராஜ் . அந்த சூழ்ச்சிகளிலிருந்து விடுபட்டு உண்மைக்காகவும் நேர்மையாகவும் கோர்ட்டில் போராடுகின்றார் உதயநிதி.

இறுதியில் , கோர்ட்டின் தீர்ப்பு பணம் பக்கமா? அல்லது  ஏழைகளின் ( இறந்த 6 பேர் ) பக்கமா? என்பதே பரபரப்பாகவும் கலகலப்பாகவும் நகர்த்திச்செல்கின்றார் இயக்குனர் அஹமத் .

எழுத்தும் இயக்கமும்

ஐ.அஹமத்

இவர் ஏற்கனவே ‘’வாமணன்’’ மற்றும் ‘’என்றென்றும் புன்னகை’’ படத்தை இயக்கியுள்ளார்.

 ‘மனிதன்’ இப்படம் முழுக்க  'கோர்ட் ட்ராமா'வை அடிப்படையாக கொண்டு எடுத்துள்ளார் அஹமத் . இந்த மாதிரியான படங்கள் நான் பார்த்தவரை கடந்த 5 ஆண்டு காலமாக ( தெய்வத்திருமகள் பார்த்ததாக நியாபகம் ) எந்தவொரு படமும் தமிழில் வரவில்லை. அதனாலே இவருக்கு ஒரு பெரிய க்ளாப்ஸ் . ஹிந்தி ரீமேக்காக இருந்தாலும் தமிழில் மாற்றியமைக்க சற்று சிரமபட்டுள்ளார் மனிதர் . இவருக்கு பக்கப்பலமாக இருந்துள்ளார் இப்படத்தின் வசனகர்த்தா அஜயன் பாலா . இப்படத்தின் பலம் ‘சோர்வடைய செய்யாத திரைக்கதையே’  மற்றும் கொஞ்சம் மட்டுமே காதலை திணித்துள்ளது சிறப்பு . அதுமட்டுமில்லாமல் கோர்ட்டில் வெறும் வாதாடல் மட்டுமிருக்காது , பல காமெடி காட்ச்சிகளும் அதில் இடம்பெறும் என்பதையும் கூறியுள்ளார் . படத்தின் வசனங்கள் குறைவே. ஆனால் படத்திற்குள் பொறுந்தும் . குறிப்பாக ஒரு சில வசனங்களும் , க்ளைமாக்ஷில் உதயநிதி ‘நீதிமன்றங்களை பற்றி ஒரு மனிதனின்  மனநிலையை’ அப்படியே சொல்லும்  வசனங்களும் ,அதன் பிறகு ராதாரவி பேசும் வசனமும் தமிழ்நாடு நீதீ துறைக்கு நெத்தியடியாக அமைகின்றது . ‘கோர்ட் என்றால் பணம் கொடுத்தால் வெளியே வந்துவிடலாம் , தண்டனையிலிருந்து தப்பிவிடலாம் என்று நினைக்காதீர்கள் , உண்மை நிச்சயம் வெல்லும்’(வெறும் படத்தில்தான் நடக்கும்) , என்பதை இந்தபடத்தில் காட்டுகிறார் அஹமத்.

நடிகர் நடிகைகள்

உதயநிதி

இந்தபடத்திற்கு இவர் சரியான தேர்வா என்று தெரியவில்லை . நிச்சயம் மற்ற நடிகர்கள் நடித்திருந்தால் இன்னும் சிறப்பாகவே நடித்திருப்பார்கள் , இருந்தாலும் உதயநிதி இந்தபடத்தில் நன்றாகவே நடித்துள்ளார் . ஆனால் இறுதிக்காட்சியில் இவர் பேசும் வசனத்திற்கு மட்டும் , இவரின் முகபாவனைகளை மாற்றியிருக்கலாம் . அழும் காட்சிகள் இவருக்கு நடிக்க வரவில்லையென்றே சொல்லவேண்டும். ஆனால் இந்தபடத்திற்கு தேவையானதை தந்திருக்கின்றார் உதயநிதி.

பிரகாஷ்ராஜ் & ராதாரவி

இவர்களின் நடிப்பை பற்றி குறைசொல்ல வேண்டுமென்றால் ஒருவர் பிறந்துதான் வரவேண்டும் . தங்கள் அனுபவ நடிப்பால் பிரகாஷ்ராஜ் ஒரு க்ரிமினல் லாயராகவும் , ராதாரவி கோர்ட்டில் ஜட்ஜாகவுமே வளம் வருகின்றார் . பிரகாஷ்ராஜ் கோர்ட்டை எதிர்த்து பேசும் வசனமும் சரி, உதயநிதியை மிரட்டும் காட்சிகளிலும் சரி ,  சபாஷ் . இவரின் பல காமெடியான முகபாவனைகளை படத்தில் காணலாம் . மேலும் இவர் பேசும் ஒவ்வொரு வசன உச்சரிப்பும் மிக புத்திசாலியான லாயராகவே காட்டுகின்றன . மொத்தத்தில் மிக மிக மிக சரியான தேர்வு .

ராதாரவி சாரும் மிக மிக கச்சிதமே . எந்தவொரு குறைகளுமில்லை .

ஹன்சிகா & ஐஷ்வர்யா ராஜேஷ்

ஹன்சிகா எப்பவும் போல் காதல் வலம்தான் வருகின்றார் . ஆனால் உதயநிதி சென்னை வர காரணமாகவும் இருக்கின்றார் . இவருக்கு காட்சிகள் பல இல்லையென்றாலும் , தன் பங்களிப்பை முடிந்தவரை செலுத்தியுள்ளார்

ஐஷ்வர்யா ராஜேஷ் ஒரு டிவி ரிப்போர்ட்டராகவும், பிரகாஷ்ராஜை பழிவாங்கவேண்டுமென்ற ஒரு எதிரியாகவும் வருகின்றார் .முதலில் உதயநிதியை வெறுப்பதும் , பிறகு அவருக்கு உதவி செய்ய வரும் காட்சிகளும் நல்லது.

விவேக் காமெடியில் கலகலக்க வைக்கிறார் .

முக்கிய கதாபாத்திரமாக , படத்தின் க்ளைமாக்ஷில் கமலக்கண்ணனாக வரும் கேரக்டர் என்னை மிகவும் பாதித்தது. அவரின் நடிப்பிற்கு ஒரு மிக பெரிய சல்யூட் . நிச்சயம் உங்களை கோலிவுட் பயன்படுத்திகொள்ளும் .

இசையமைப்பாளர்

சந்தோஷ் நாராயணன்

படத்தின் மிக பெரிய பலமாக வருகின்றார் . ‘முன் செல்லடா’  ‘அவள்’ ஆகிய பாடல்கள் திரும்ப திரும்ப கேட்க தோன்றுகின்றன . பிண்ணனி இசையில் பிண்ணியெடுக்கின்றார் . யதார்த்தையும் சரி, கோர்ட் காட்சிகளும் சரி, உயிர் கொடுக்கின்றார்.

ஒளிப்பதிவாளர்

மதி

இவரை கைத்தட்டி பாராட்ட இரண்டு கைகள் பத்தாது . காரணம் ,இவரின் கேமரா நம்மையும் கோர்ட்டிற்குள் அழைத்து செல்கின்றது . படத்திற்கு பக்க பலமாக இருந்துள்ளார்.( மேலும் இவர் , நான்மகான் அல்ல , ஜீவா, என்றென்றும் புன்னகை, பையா , ஆகிய பல படங்களுக்கு ஒளிப்பதிவு செய்துள்ளார் )

ரசிகனின் பார்வை

‘’நல்ல ஒரு படம்டா, படம் நல்லாவேயிருக்கு’’ 2,3 தடவ பார்க்கலாம்’’ என்று வெளியே வந்த இருவர் பேசிகொன்டனர்.

என் பார்வை

‘ஏழைகளும் நடுத்தர மக்களும் தங்களுக்கு நியாயம் கிடைக்கவேண்டுமென்று ‘ நாடிசெல்வது நீதிமன்றங்களே ..ஆனால் அங்கேயும் பணம்தான் ஆளுகின்றன என்பதை தெளிவாக இப்படத்தில் திரையிட்டுள்ளார் . ஒரு அருமையான சமுதாய படத்தை , கொஞ்சம் காமெடியுடன் கூறியுள்ளார் அஹமத் . ஆனால் முதல் 30 நிமிடம் சற்று மெதுவாக நகர்கின்றன . மற்றும் உதயநிதி சென்னையிலிருந்து பொள்ளாச்சிற்கு வந்ததும் ‘கொண்டாட்டம்’ பாடல் தேவையில்லாதது,

மொத்ததில் இந்த ‘மனிதனை’ தாராளமாக அனைவரும் பார்க்கலாம்.

முருகதாஸ் - இயக்குனர் பாகம் 3

முதலில் அனைவரும் என்னை மன்னிக்கவேண்டும் . ஏனென்றால் கடந்த ஒரு மாதமாக நான் ஏதும் எழுதவில்லை . ஆன்ட்ராய்ட் ஃபோனில் சிக்கி சின்னாபின்னாகமானேன் . எதும் தோன்றவில்லை . வாட்ஷ்அப் , ஃபேஸ்புக் என மாயவலையில் சிறிய பூச்சிப்போல் மாட்டிகொன்டேன் . அதிலிருந்து மீண்டுவரவே இந்த கடந்த 15 நாட்களாக போராடி ,இப்போது அந்த சிறையிலிருந்து வெளிவந்துள்ளேன் . ஆண்ட்ராய்டில் பல நல்ல விஷயங்கள் இருக்கின்றன  ஆனால் அனைவருடைய மனமும் கெட்ட விஷமங்களை நாடி செல்கின்றன என்பதை தெளிவாகபுரிந்துகொன்டேன் . இனி எப்பவும் போல் பல சினிமா தகவல்களை தினமும் எழுதவேண்டுமென்ற குறிக்கோளுடன் ஆரமிக்கின்றேன் .

கடந்த இரண்டு பதிவுகளாக இயக்குனர் ஏ.ஆர்.முருகதாஸை பற்றி பார்த்துகொன்டிருந்தோம் . இப்போது அவருடைய துணைஇயக்கனுர்களை பற்றி பார்ப்போம்.

குறு எவ்வளியோ சிஷ்யனும் அவ்வழியே என்ற பழமொழி இவருக்கும் இவரின் துணைஇயக்குனர்களுக்கும் பொறுந்தும் . ஏனென்றால் பெரும்பாலும் இவரிடம் உதவிஇயக்குனராக இருப்பவர்கள் இவரை போலவேதான் உள்ளனர் .இவரின் ஆரம்பகட்ட படங்களில் பணியாற்றிய உதவி மற்றும் துணை இயக்குனர்கள் என்னா ஆனார்கள் என்றே தெரியவில்லை .ஆனால் கஜினி படத்திலிருந்து இவரின் படங்களில் பணியாற்றும் உதவி மற்றும் துணைஇயக்குனர்கள் தற்போது வெற்றிகரமான இயக்குனர்களாக உள்ளனர் .

TEAM  AR MURUGADOSS

( என் இமைகளுக்கு தெரிந்தவர்களை எழுதியுள்ளேன் . உங்களுக்கு இன்னும் பலர் தெரிந்திருந்தால் கூறவும் . ஆவலுடன் காத்திருக்கின்றேன் )

1 . சரவணன்

இவர் ‘எங்கேயும் எப்போதும்’ என்ற படத்தின் மூலம் மிகபிரசத்தி பெற்றவர் அதன் பிறகு ‘இவன் வேறமாதிரி’ படமும் ஹிட் .ஆனால் இவர் அடுத்து எடுத்த ‘வலியவன்’ படம் மட்டுமே தோழ்வியடைந்தது. இப்போது  தெலுங்கில்  பிஸியான இயக்குனராக இருக்கிறார். முருகதாஸின் ரமணா மற்றும் கஜினி ஆகிய படங்களுக்கு உதவிஇயக்குனராக பணியாற்றியவர்  நாமக்கலை சேர்ந்தவரான இவர்தான் முருகதாஸின் ஃபேவரட் . முருகதாஸின் எந்தவொரு தவறுகளையும் வெளிப்படையாக கூறுபவர் .

உதாரணமாக கஜினி படத்தில் தமிழில் இரண்டு கெட்டப்பில் வில்லன் இருப்பார் .ஆனால் இந்தியிலோ ஒரு கெட்டப்தான் . காரணம் இந்த சரவணன்தான் , இவர் வில்லன் இரண்டு கெட்டப்பில் இருந்தால் மக்கள் ஏற்றுகொள்ளமாட்டார்கள் என கூறினார். ஆனால் அதை முருகதாஸ் ஏற்றுகொள்ளவில்லை . இறுதியில் படத்தின் ஒரே ட்ராபேக்காக குறிப்பிட்டது இரண்டு கெட்டப்தான் ( ஒரு இயக்குனர் என்னிடம் இவ்வாறாக கூறியிருந்தார் ). அதனால் அந்த தவறை ஹிந்தி ரீமேக்கில் சரிசெய்துகொண்டார்

சரி இந்த உதவிஇயக்குனருக்கு முருகதாஸ் செய்த உதவிதான் என்னா?   இவரின் முதல் திரைப்படமான ‘ எங்கேயும் எப்போதும் ‘ படத்தின் தயாரிப்பளாரே முருகதாஸ்தான் .

2. திருக்குமரன்

இவர் முருகதாஸின் 7ம் அறிவு மற்றும் துப்பாக்கி படங்களில் துணைஇயக்குனராக பணியாற்றியவர் . பின்பு 2013ம் ஆண்டில் ஏ.ஆர்.முருகதாஸின் கதையில் ஆர்.செந்தில்குமார் ( எதிர்நீச்சல் . காக்கிசட்டை படத்தின் இயக்குனர் ) வசனத்தில் ‘மான்கராத்தே’ என்னும் படத்தையெடுத்து இயக்குனரானார் . 2014ம் ஆண்டு வெளியான இந்தபடம் வணிகரீதியில் வெற்றிபடமாக அமைந்தது . மேலும் கடந்த பொங்கலன்று உதயநிதி நடிப்பில் வெளிவந்த ‘கெத்து’ படத்தின் இயக்குனரும் இவரே .

இவருக்கு முருகதாஸ் செய்த உதவி. ‘ மான் கராத்தே ‘ படத்திற்கு கதையளித்தது மட்டுமல்லாமல் , தயாரிப்பாளர் பி.மதனுடன் இணைந்து இந்தபடத்தை தயாரிக்கவும் செய்துள்ளார் .

3. ஆனந்த் சங்கர்

இவரும் முருகதாஸின் 7ம் அறிவு மற்றும் துப்பாக்கி படங்களில் முதன்மை துணை இயக்குனராக பணியாற்றியவர் . மேலும் 2014ம் ஆண்டு வெளிவந்த ‘ அரிமா நம்பி ‘ படத்தின் மூலம் இயக்குனர் அவதாரமெடுத்தார் . இப்படம் ரசிகர்களிடையும் வினியோகஸ்தர்களிடமும் பெரும் வரவேற்ப்பை பெற்றது. இப்போது இவர் விக்ரம் நடிப்பில் ‘இருமுகன்’ படத்தை இயக்கிவருகிறார் .

இவருக்கு முருகதாஸ் செய்த உதவி , ‘ துப்பாக்கி ’ படத்தின் தயாரிப்பாளாரான கலைப்புலி எஸ்.தாணுவிடம் இவரை அறிமுகபடுத்திவைத்தார் . அதன்பிறகு உருவானாதே ஆனந்த் சங்கரின் ‘அரிமா நம்பி’ .

4 . R அஜய் ஞானமுத்து

7ம் அறிவு மற்றும் துப்பாக்கி படங்களில் உதவிஇயக்குனராக பணியாற்றியவர், 2015ம் ஆண்டு இவர் இயக்கத்தில் வெளிவந்த படம். தமிழ சினிமா உலகத்தை மட்டுமின்றி ரசிகர்களையும் திரும்பிபார்க்கவைத்தார் . ‘டிமான்டி காலனி’ படத்தை இயக்கி மிகபெரிய பெயரை பெற்றவர் இவர் . பேய்களுடன் விளையாடி கொண்டிருந்த தமிழ்சினிமாவிற்கு நிஜ பேயையும் , அதில் லாஜிக்காக பல விஷயங்களையும் புகுத்தியிருந்தார் . இப்போது இவர் ‘டிமான்டி காலனியின் இரண்டாம்பாகம் ‘ இயக்குவதாக பேச்சுவார்த்தைகள் அடிபடுகின்றன.

5. TN சந்தோஷ்

இவர் 7ம் அறிவு மற்றும் துப்பாக்கி படங்களில் துணைஇயக்குனராக பணியாற்றியவர் . இவர் கடந்த பிப்ரவரி மாதம் வெளிவந்து வசூல் வேட்டை நடத்திய ‘கணிதன்’ படத்தின் இயக்குனராவார் . மேலும் இப்படத்தின் கதை மிகப்பெரிய சமுதாய பிரச்சனையை கூறுவதால் , இவர் பலதரப்பட்ட விமர்சனர்களிடம் நன்பெயரையும் பெற்றார் .

6.ராஜ்குமார் பெரியசாமி

துப்பாக்கி படத்தின் துணைஇயக்குனராக பணியாற்றியவர் இவர் . தற்போது ஏ.ஆர் முருகதாஸின் தயாரிப்பில் ‘ரங்கூன்’ என்னும் திரைப்படத்தை எடுத்து முடித்துள்ளார் .

6.விஜய் பாலாஜி

ஏ.ஆர். முருகதாஸின் பட்டறையிலிருந்து வெளிவரவிருக்கும் மற்றொரு இயக்குனர் . இவர் தற்போது ‘உல்ட்டா’ என்னும் திரைப்படத்தை இயக்கிகொன்டிருக்கின்றார் .

7. வெங்கட் மோகன்

இவர் முருகதாஸின் தமிழ் மற்றும் ஹிந்தியென 4 படங்களுக்கு இணை இயக்குனராக பணியாற்றியுள்ளார். இன்னும் இவர் தனித்து படம் இயக்கவில்லை

மேலும் இயக்குனர் ஏ.ஆர்.முருகதாஸ் , அவரின் துணை மற்றும் உதவிஇயக்குனர்களின் அனைத்து பட ப்ரோமோஸன் விழாக்களில் கலந்துகொள்வது மட்டுமல்லாமல் , அவர்களின் துணைநின்று உதவியும் செய்துவருகின்றார் .

இனி அடுத்த பகுதியில் முருகதாஸின் படங்களை பற்றி காண்போம்.

முருகதாஸ் - இயக்குனர் பாகம் 1.

முருகதாஸ் - இயக்குனர்  பாகம் 2